انا السودان

أنا السودان


أنا السودان جمال إشراق و عيدية
أنا السودان بضوي شموس النهارية

أنا النيل الصحي موافي
بني مع المراكبية
و أنا عيون المها الضوت
تحاكي الطلعة بدرية

أنا السودان جمال في لوحة صوفية
روائع دنيا لي أطفال
بعيشوا نشأة دينية
وغناوي الفرحة لي يوما
تزف .. في ليلو حورية

أنا السودان علوم و حضارة
و صحوة غضبة زنجية
و بيجري في دمي حس عربي
و نفوس بالتقوى مهدية


حنان النيل